مايكروسوفت بتقولك: استعد علشان تقفل الـ Exchange On-Premises!

بعد Exchange Subscription Edition

في كل مرة مايكروسوفت بتعلن عن ميزة جديدة في الـ Hybrid Exchange، الرسالة المخفية دايمًا بتكون أوضح من المكتوبة:

➡️ “احنا بنقربك خطوة من اليوم اللي مش هتحتاج فيه أي سيرفر Exchange داخل شركتك.”

💡 إيه اللي حصل مؤخرًا؟

مايكروسوفت أطلقت ميزة Cloud-based Exchange Attribute Management:

  • زمان، حتى لو نقلت كل ميلبوكساتك لـ Exchange Online، كان لازم تسيب سيرفر Exchange “آخر واحد” عشان تدير بعض الـ attributes الخاصة بالميلبوكس (زي الـ Custom Attributes أو HiddenFromGAL).
  • النهاردة، مايكروسوفت بتقولك: انسى السيرفر ده! دلوقتي تقدر تدير كل الـ attributes دي مباشرة من السحابة (EAC – PowerShell – Admin Center).

 

🔥 ليه الموضوع كبير كده؟

اللي حصل ده مش مجرد “feature” جديدة، ده إعلان رسمي بإن دور الـ on-prem Exchange server قرب يخلص:

  • أول خطوة: سمحوا تدير attributes من السحابة.
  • المرحلة الجاية: Write-back → أي تغيير تعملو في السحابة هيتكتب أوتوماتيك في الـ Active Directory بتاعك.
  • الهدف النهائي: مش هيبقى عندك أي مبرر تسيب سيرفر Exchange شغال جوه الشركة.

 

🎯 الرسالة الواضحة من مايكروسوفت

  • الـ Source of Authority (SOA) بانتقاله للسحابة → معناها إن التحكم الحقيقي في الـ Exchange Attributes خرج من on-prem ودخل بالكامل تحت إدارة Microsoft 365.
  • الخطوة دي بتختصر الطريق لمايكروسوفت علشان تقولك:
    👉 “إحنا قفلنا chapter الـ Exchange on-prem… السحابة هي المستقبل الوحيد.”

 

🚀 إيه اللي المفروض تعمله دلوقتي؟

  1. راجع استراتيجيتك: هل عندك سبب قوي يخليك محتاج سيرفر Exchange داخلي؟
  2. استعد للتغيير: خطط لليوم اللي هيكون فيه الـ Active Directory عندك مربوط بالسحابة فقط.
  3. فكّر في الهوية (Identity): موضوع الميلبوكس مجرد بداية، قريب جدًا الإدارة الكاملة للمستخدمين والجروبات كمان هتكون 100% من السحابة.

 

🛑 الخلاصة

مايكروسوفت مش هتقولك بشكل مباشر “قفل الـ Exchange on-prem” النهاردة… لكن كل خطوة جديدة بتأكد إنهم بيجهزوا الشركات لليوم ده.

واللي مش هيبدأ يستعد من دلوقتي، هيلاقي نفسه قدام واقع مفروض عليه غصبًا عنه.

لتفاصيل اكتر راجع المقال التقني

https://learn.microsoft.com/en-us/exchange/hybrid-deployment/enable-exchange-attributes-cloud-management

 

Moamen Hany | Microsoft MVP